Last Updated on 16/10/2026 by EL
Sipas simulimeve të fundit të superkompjuterit të Opta-s, Arsenali kryeson listën, ndërsa kampioni në fuqi, Paris Saint-Germain, renditet vetëm në pozitën e pestë, duke dëshmuar se gara për trofeun pritet të jetë e paparashikueshme.
Edhe pse janë zhvilluar vetëm dy xhirot e para të fazës së ligës në Ligën e Kampionëve 2026/27, superkompjuteri i Opta-s ka përditësuar parashikimet për skuadrat favorite që mund ta fitojnë trofeun më prestigjioz të futbollit evropian.
Sipas superkompjuterit të Opta-s, Arsenali kryeson parashikimet e fundit me një probabilitet prej 21.34 për qind për të fituar garën në fund të edicionit.
Topçinjtë ndiqen nga Bayern Munich me 15.60 për qind, Manchester City renditet i treti me 13.65 për qind, pak përpara Barcelonës me 12.59 për qind.
Pavarësisht se janë kampionë evropianë në fuqi, PSG përballet me një detyrë të vështirë për të ruajtur titullin për të tretin sezon radhazi, sipas parashikimeve.
Fituesit e dy sezoneve të fundit, Paris Saint-Germain janë renditur të pesti midis favoritëve për të fituar Ligën e Kampionëve, me një shans prej 8.33 për qind për të ngritur trofeun.
Më poshtë në renditjen e favoritëve janë edhe klube si Real Madridi me 6.13 për qind, Liverpooli i shtati me 5.86 për qind dhe Aston Villa e teta me 3.40 për qind.
Parashikimet e Opta-s vijnë si zakonisht pas 10,000 simulimeve të garës, megjithëse rezultati përfundimtar mbetet i pasigurt. /ET