Last Updated on 28/10/2026 by Monika
Milan ka pësuar humbjen e parë sezonale në Serie A, pasi u mposht në “San Siro” me rezultatin 4-2 nga skuadra e Bologna-s.
Miqtë kaluan të parët në avantazh me anë të Samuel Mbangula, i cili shfrytëzoi saktë një pasim nga Nadir Zortea për të zhbllokuar shifrat.
Kuqezinjtë reaguan shpejt dhe përmbysën rezultatin brenda pjesës së parë me dy gola të shënuar nga Alphadjo Cisse, pas gabimeve në prapavijën mike dhe asisteve nga Omari Hutchinson dhe Fikayo Tomori.
Pjesa e dytë solli një rënie për vendasit, çka u shfrytëzua nga Bologna që barazoi fillimisht me një autogol të Davide Bartesaghi-t pas krosimit të Juan Miranda-s. Dominimi i miqve vazhdoi dhe Mbangula riktheu skuadrën e tij në avantazh me golin e dytë personal, duke përfituar sërish nga një asist i Miranda-s.
Përpjekjet e Milan-it për të reaguar ishin të dobëta, ku rasti më i pastër u shpërdorua nga Francesco Camarda me kokë pak metra larg portës. Në minutat e fundit, Bologna vulosi fitoren 4-2 përmes një kundërsulmi të finalizuar nga Mbangula, i cili kompletoi tregolëshin e tij në këtë sfidë.
Pas javës së nëntë të kampionatit, Milan renditet në vendin e pestë me 18 pikë, ndërsa Bologna ngjitet në kuotën e 11 pikëve në pozitën e 11-të./mxh