Balla kundër kërcënimeve të Berishës, thirrje demokratëve: ‘Mos e merrni veten në qafë nga urdhërat e një plaku matuf’

Last Updated on 21/02/2026 by Anisa

Kryetari i grupit parlamentar të Partisë Socialiste,Taulant Balla, reagoi pas deklaratave të kreut të PD-së Sali Berisha, i cili në një mesazh publik kërcënoi me sulme ndaj selive të Partisë Socialiste në qytete të ndryshme të vendit.

Deputeti socialist theksoi se thirrjet publike për kryerjen e veprave penale, nxitja e urrejtjes dhe përçarjes, goditjet që mund të arrijnë deri te tentativat për vrasje ndaj punonjësve të policisë, janë vepra penale që duhet të vlerësohen nga organet kompetente.

Balla iu drejtua gjithashtu anëtarëve të Partisë Demokratike në terren, duke u bërë thirrje që të mos bien pre e urdhrave të një figure politike që, sipas tij, ka ndikuar në vëllavrasje gjatë gjithë karrierës së tij.

Deputeti i Partisë Socialiste, Taulant Balla, reagoi sot pas deklaratave të ish-kryeministrit dhe ish-presidentit Sali Berisha, i cili në një mesazh publik duket se ka kërcënuar me sulme ndaj selive të Partisë Socialiste në qytete të ndryshme të vendit.

Reagimi i plotë i Taulant Ballës:

Reagimi im ndaj Sali Berishës, i cili paska kërcënuar me sulme selitë e PS nëpër qytete: “Do iu asgjësojmë”

SB : “U kërkoj të gjitha degëve të bëjnë rikonicionin e plotë të selive të PS në çdo rreth. Dhe garantoj Edi Ramën se sulmet ndaj selisë së PD do të sjellin sulme asgjësuese për selitë e partisë së krimit në të gjithë territorin e vendit”.

Thirrja publike për kryerjen e veprave penale, thirrja për dhunë, nxitja e urrejtjes dhe e përçarjes, goditjet që shkojnë deri në tentativë vrasje ndaj punonjësve të policisë së shtetit, goditjet për shkak të detyrës, përfshirja e të miturve në krim janë vepra penale të dukshme. I takon organeve kompetente t’i vlerësojnë.

Kam një thirrje vllazërore miqve të Partisë Demokratike në bazë, mos e merrni veten në qafë nga urdhërat e një plaku matuf, i cili për prapanicën e tij ka mbjellë vëllavrasje gjithë jetën e tij politike. Tropoja për shembull e ka vuajtur dhe vazhdon ti vuajë thirrjet dhe porositë e tij.

Kaq për sot! Ditë të mbarë dhe faleminderit për vëmendjen mbi këtë çështje.