Ministri i Drejtësisë, Besfort Lamallari, deklaroi sot në Kuvend se sistemi i drejtësisë nuk mund të mbrohet përmes politizimit të institucioneve të vuajtjes së dënimit, duke theksuar parimin e barazisë para ligjit dhe mungesën e privilegjeve.
Gjatë fjalës së tij, Lamallari nënvizoi se ndarja e debatit politik nga funksionimi institucional është më e rëndësishme se kurrë. Sipas tij, çdo pretendim për shkelje të të drejtave të njeriut duhet të trajtohet me seriozitet dhe mbi bazën e fakteve, e jo në funksion të interesave apo qëllimeve politike.
“Sistemi nuk mbrohet duke politizuar burgjet. Barazia para ligjit, pa privilegje. Sot më shumë se kurrë është e rëndësishme të ndajmë debatin politik nga e vërteta e institucionale. Çdo pretendim per shkelje të të drejtave të njeriut duhet trajtuar me seriozitet, me fakte, jo mbi interesa dhe qëllime politike”, u shpreh Lamallari./Kb