Carlo Ancelotti do të mbetet në krye të ekipit kombëtar brazilian deri në vitin 2030. Siç u njoftua nga Konfederata Braziliane e Futbollit , të dyja palët kanë rënë dakord të vazhdojnë së bashku deri në Kupën e Botës 2030!
Carlo Ancelotti mori drejtimin e ekipit në vitin 2025 dhe pas pak ditësh do ta çojë atë në Kupën e Botës (SHBA, Meksikë, Kanada).
“Mbërrita në Brazil një vit më parë. Që nga minuta e parë, e kuptova se çfarë do të thotë futbolli për këtë vend. Për një vit, kemi punuar për ta rikthyer ekipin kombëtar brazilian në majë të botës. Por unë dhe CBF duam më shumë. Më shumë fitore, më shumë kohë, më shumë punë. Jemi shumë të lumtur të njoftojmë se do të vazhdojmë së bashku për katër vjet të tjera. Do të shkojmë së bashku deri në Kupën e Botës 2030. Dua të falënderoj CBF-në për besimin e tyre. Faleminderit, Brazil, për pritjen e ngrohtë dhe për gjithë dashurinë”, tha Ancelotti në faqen e internetit të Konfederatës Braziliane të Futbollit.
Ancelotti kishte tashmë pagën më të lartë midis trajnerëve të ekipeve kombëtare në botë, rreth 10 milionë euro në vit, dhe do të marrë të njëjtën shumë, por me më shumë bonuse sipas kontratës së re.
Trajneri 66-vjeçar do të marrë një bonus prej 5 milionë eurosh nëse Brazili fiton Kupën e Botës të 6-të në vitin 2026.
Në vitin 2030, Kupa e Botës do të mbahet në Portugali, Spanjë dhe Marok, me disa ndeshje të planifikuara në Argjentinë, Uruguai dhe Paraguai, si një festë e 100-vjetorit të turneut./et