Ethemja e incidentit historik të vitit 2022 vazhdon të lërë gjurmë, por Chris Rock i ka idetë e qarta për të ardhmen e tij me Akademinë. Komediani 61-vjeçar ka bërë të ditur se nuk ka ndërmend të shkelë më në tapetin e kuq të ceremonisë Oscar, me përjashtim të një rrethi krejtësisht specifik.
Në një intervistë për Variety, ish-prezantuesi i ngjarjes madhore (në vitet 2005 dhe 2016) deklaroi prerazi se prania e tij do të ndodhë vetëm nëse propozohet për ndonjë çmim si aktor apo krijues.
“Unë nuk jam i nominuar. E vetmja mënyrë që do të rikthehesha është nëse nominohem, diçka që nuk besoj se do të ndodhë. Dhe kjo është plotësisht në rregull. Të jemi me këmbë në tokë,” u shpreh ai.
I pyetur mbi episodin e bujshëm ku u godit me shuplakë nga Will Smith në skenë pasi bëri një batutë mbi modelin e flokëve të Jada Pinkett Smith Rock pranoi se do të preferonte ta shmangte atë ngjarje, por refuzoi t’i jepte hapësirë dramatizimit.
Sipas tij, ajo që i ndodhi nuk përbën ndonjë tragjedi të madhe përballë problemeve reale të botës sot. Komediani kërkoi gjithashtu që vëmendja e publikut të mbetet te projekti i tij më i ri kinematografik, “Misty Green”, dhe te performanca e aktores kryesore Rosalind Eleazar, duke lënë pas të shkuarën./mxh