Presidenti i SHBA-së, Donald Trump, ka deklaruar se Irani ka rënë dakord për “pothuajse gjithçka që SHBA i nevojitet” në kuadër të negociatave mes dy vendeve.
Trump shtoi se Irani është “shuar plotësisht ushtarakisht”, ndërsa pranoi se vendi ka ende disa raketa, por sipas tij ato mund të shkatërrohen.
Deklaratat e Trump vijnë në një moment kur bisedimet për arritjen e një marrëveshjeje përfundimtare mes SHBA-së dhe Iranit kanë nisur në Katar. Raundi i ardhshëm i negociatave pritet të zhvillohet pas ceremonisë së varrimit të ish-udhëheqësit suprem të Iranit, Ajatollah Ali Khamenei.
Ndërkohë, administrata Trump është përballur me kritika se nuk arriti të parashikonte mbylljen e Ngushticës së Hormuzit nga Irani, një zhvillim që ndikoi në rritjen e çmimeve të energjisë në tregjet ndërkombëtare dhe shtoi presionin për rikthimin në tryezën e negociatave./ad