Last Updated on 04/11/2025 by Klara
Instagram ka nisur testimin e një funksioni të ri të quajtur “Stealth Mode”, që i lejon përdoruesit të përdorin aplikacionin pa u shfaqur si aktiv dhe pa dërguar njoftime tek ndjekësit. Ky funksion synon t’u japë njerëzve më shumë privatësi dhe qetësi gjatë përdorimit të rrjetit social.
Sipas Meta, kompania që zotëron Instagram-in, shumë përdorues ndihen nën presionin e vazhdueshëm për të qenë aktivë dhe të përgjigjen menjëherë. “Stealth Mode” do t’u mundësojë përdoruesve të lexojnë mesazhet, të shfletojnë përmbajtjen dhe të krijojnë postime pa asnjë njoftim publik.
Opsioni po testohet fillimisht në disa vende të zgjedhura, dhe nëse rezultatet janë pozitive, do të lançohet globalisht gjatë vitit 2026. Ekspertët e teknologjisë e konsiderojnë këtë një hap të madh drejt “shoqërisë dixhitale me më pak stres”./ K.M