Kamboxhia deklaroi se Tajlanda ka shkaktuar viktima të shumta civile gjatë përleshjeve përgjatë kufirit të tyre të përbashkët të mërkurën (10 dhjetor).
Në një konferencë për shtyp në kryeqytetin Phnom Penh, zëdhënësi i Ministrisë së Mbrojtjes së Kamboxhias, Maly Socheata, tha se ushtria tajlandeze kishte vrarë 11 civilë, plagosur 74 të tjerë dhe kishte dëmtuar tempuj të rëndësishëm.
Përleshjet ndodhën në më shumë se një duzinë vendesh përgjatë kufirit 817 km (508 milje) midis Tajlandës dhe Kamboxhias, duke u konsideruar disa nga përleshjet më të ashpra që nga një betejë pesëditore në korrik, që ishte konflikti më i rëndë në historinë e fundit të këtyre dy vendeve.
Socheata akuzoi Tajlandën për kryerjen e “veprimeve brutale të agresionit” ndaj objektivave civile, ndërsa Tajlanda mohon se ka synuar infrastrukturën civile.
Sipas ushtrisë tajlandeze, në përleshje kanë humbur jetën nëntë ushtarë tajlandezë dhe mbi 120 të tjerë janë plagosur. Qindra mijëra njerëz janë evakuuar nga zonat kufitare në të dy vendet.
Tajlanda dhe Kamboxhia kanë fajësuar njëra-tjetrën për shpërthimin e përleshjeve që nisën këtë javë, duke shkëmbyer akuza për sulme me artileri dhe raketa kundër civilëve./MXH