Last Updated on 01/09/2026 by Monika
Jurgen Klopp ka nisur punën e tij si trajner i Gjermanisë me vizita në klubet ku aktivizohen futbollistët gjermanë.
Ndalesa e parë ka qenë te Bayern Munich, ku Klopp ka zhvilluar biseda individuale me lojtarët dhe është takuar edhe me trajnerin Vincent Kompany.
Bayern e ka nisur sezonin me fitore, duke triumfuar fillimisht në Superkupën e Gjermanisë ndaj Borussia Dortmund dhe më pas ndaj Stuttgart në javën e parë të Bundesligës.
Vizita e Klopp te skuadra bavareze është pjesë e planit të tij për të krijuar kontakte të drejtpërdrejta me lojtarët e përfaqësueses. Trajneri gjerman synon të ndërtojë një marrëdhënie të afërt me futbollistët që në fillim të projektit të tij.
Klopp ka bërë të qartë se dëshiron që të gjithë lojtarët të ndihen pjesë e Kombëtares dhe të kenë një rol në projektin e ri. Vizita te Bayern nuk do të jetë e vetmja, pasi trajneri pritet të zhvillojë takime edhe me futbollistë të tjerë në klubet e tyre./mxh