Një dokumentar të ri mbi jetën e Zonjës së Parë të SHBA-së, me titull Melania, fokusohet në 20 ditët para inaugurimit të dytë të Donald Trump si president. Dokumentari ofron pamje pas skenave nga roli i saj si zonjë e parë dhe përpjekjet për të balancuar jetën personale dhe publike.
Dokumentari është prodhuar nga Amazon MGM Studios dhe do të ketë premierë zyrtare më 29 janar në Trump Kennedy Center përpara se të dalë në kinema dhe në platformat e transmetimit më 30 janar 2026.
Filmi është drejtuar nga Brett Ratner, regjisori që rikthehet në skenën e regjisur pas shumë vitesh që nuk ka bërë projekte të mëdha, dhe përfshin edhe momente me Melania Trump në rolin e parë si protagoniste e dokumentarit të saj.
Ndërkohë që Melania e përshkroi ngjarjen si një “moment historik”, nuk munguan reagime të përziera nga opinioni publik dhe komentatorë, duke kritikuar kohën dhe mënyrën e promovimit, sidomos për shkak të konteksteve politike dhe shoqërore ku shfaqja u zhvillua.
Dokumentari, sipas planifikimit, do të shfaqet në mijëra kinema në SHBA dhe në botë, me një fushatë të madhe marketingu nga Amazon për të tërhequr audiencë të gjerë. Filmi vlerësohet të ketë kushtuar rreth 40 milionë dollarë. Sipas disa raportimeve të shtypit, vetë Melania ka përfituar 28 milionë dollarë./K.M