Last Updated on 20/04/2025 by adminfjala
Nga: Meryl Streep
Lëri gjërat të bien e të thyhen. Mos u lodh më duke u përpjekur t’i mbash bashkë. Jo gjithçka është e destinuar të zgjasë përgjithmonë dhe të detyrosh të qëndrojë diçka që tashmë po thyhet, do të thotë se ajo thjesht do të zhduket dalëngadalë. Ndonjëherë, gjëja më e mirë që mund të bësh është të lësh veten të lirë.
Lëri njerëzit të zemërohen. Lëri të të keqkuptojnë. Të të kritikojnë e të të gjykojnë. Mendimet e tyre janë pasqyrim i perceptimeve të tyre, jo një matje e vlerës tënde. Nuk ke pse shpjegon veten përpara atyre që janë të zënë duke të keqkuptuar. Nuk je përgjegjës për mënyrën se si të tjerët zgjedhin të të shohin, apo si reagojnë ndaj të vërtetës tënde.
Mos ki më frikë nga e panjohura. Mos e pyet më veten: “Ku do të shkoj? Çfarë do të bëj?”, si të mos e kishte universi tashmë të shtruar një rrugë për ty. Humbja mund të duket e padurueshme, por nganjëherë ajo është thjesht mënyra për të hapur rrugën drejt diçkaje më të mirë. Ajo që duhet të largohet, do të largohet, sado që të përpiqesh ta mbash. Ajo që është e destinuar të qëndrojë, do të gjejë një mënyrë — edhe kur gjithçka duket e pasigurt. Jeta gjithmonë gjen mënyrën për të krijuar ekuilibër, edhe kur ne nuk arrijmë ta shohim si.
Ka një ritëm në jetë, një cikël natyral të mbarimeve dhe fillimeve. Kur i rezistojmë kësaj rrjedhe, krijojmë dhimbje. Kapemi pas gjërave që po thyhen, nga frika se asgjë e mirë nuk do të vijë më. Por kjo është një iluzion. Universi është i bollshëm, gjithmonë hap dyer të reja, dashuri të reja, qëllime të reja.
Dhe kurrë, as për një çast, mos beso se e mira ka mbetur pas. Jeta nuk pushon së sjelluri bukuri, vetëm sepse ti ke kaluar vështirësi. E mira nuk ka mbaruar. Ka ende gëzim për të jetuar, dashuri për të marrë, dhe paqe për të gjetur. Por duhet të jesh i/e gatshme t’i hapësh një vend.