Milani u mposht 3-0 nga Udinese në “San Siro”, duke pësuar humbjen e dytë radhazi në Serie A për herë të parë që nga marsi i vitit 2025.
Goli i parë erdhi në minutën e 27-të, kur Atta shënoi pas një devijimi nga Bartesaghi. Më pas, në fundin e pjesës së parë, Ekkelenkamp realizoi me kokë për 2-0.
Në pjesën e dytë, Milani krijoi disa raste me Modric dhe Saelemaekers, por pa rezultat. Goli i tretë u shënua nga Atta, duke vulosur rezultatin 3-0. Kjo ishte humbja e katërt në shtatë ndeshjet e fundit për Milanin.
Skuadra mbetet në vendin e tretë me 63 pikë, por rrezikon pozicionin nga Como dhe Juventus. Udinese ngjitet në vendin e 10-të me 43 pikë./mxh