Këto janë pamjet në rrugët e Medeljinit në Kolumbi, ku qindra tifozë dolën për të pritur Lionel Messin.Ylli argjentinas dhe shokët e skuadrës udhëtuan për në hotel me autobus nën masa të rrepta sigurie, por kjo nuk e shmangu kaosin.
Me pankarta në duar dhe brohoritje, tifozët ishin aty për ta parë nga afër legjendën e Argjentinës. Lionel Messi dhe skuadra e Inter Miami kanë nisur një tur në Amerikën Latine për të zhvilluar disa ndeshje miqësore.
Kampionët e MLS në Amerikë do të sfidojnë Atletico Nacional këtë të shtunë dhe ai pritet që të jetë titullar./kb