Last Updated on 17/11/2026 by EL
Bruksel, Belgjikë, 17 Nëntor 2026 – Ministri i Mbrojtjes i Republikës së Shqipërisë, z. Ermal Nufi mori pjesë sot në takimin e 37-të të Grupit të Kontaktit për Mbrojtjen e Ukrainës (Ukraine Defence Contact Group – UDCG), të zhvilluar në Selinë e NATO-s në Bruksel, ku në fokus ishte vijimi i mbështetjes së koordinuar ndërkombëtare për Ukrainën, përballë agresionit rus.
Përmes një publikimi në rrjete sociale, Ministri Nufi nënvizoi se përgjatë këtij Takimi u riafirmua rëndësia e vijimit të mbështetjes së koordinuar ndërkombëtare për Ukrainën, me synimin për t’i hapur rrugë përfundimit të luftës dhe arritjes së një paqeje të drejtë, të qëndrueshme dhe afatgjatë.
“Si një anëtare e përgjegjshme e NATO-s” – u shpreh ndër të tjera Ministri Nufi, “Shqipëria e konsideron këtë si angazhim ndaj vlerave që na bashkojnë, ndaj së drejtës së një kombi për të mbrojtur lirinë dhe sovranitetin e tij, sikurse është një përgjegjësi e vendit tonë ndaj sigurisë kolektive dhe kontributit për një hapësirë euroatlantike më të sigurt.”
Takimi i 37-të i Grupit të Kontaktit për Mbrojtjen e Ukrainës u organizua nën kujdesin e veçantë të Ministrit Federal të Mbrojtjes së Gjermanisë, z. Boris Pistorius, dhe Sekretarit Britanik të Shtetit për Mbrojtjen, z. Wes Streeting.





