Të paktën një person u vra dhe dhjetëra të tjerë u plagosën në shpërthimet që goditën qytetin Lviv të Ukrainës perëndimore të dielën në mëngjes, në atë që autoritetet e kanë quajtur një “sulm terrorist”.
Shpërthimet ndodhën ndërsa policia iu përgjigj një telefonate emergjente në lidhje me një ndërhyrje në një dyqan pranë qendrës së qytetit, sipas zyrës së prokurorit rajonal të Lvivit.
E para ndodhi pasi policia mbërriti në vendngjarje, tha ajo, dhe u pasua nga një tjetër pas mbërritjes së një ekipi të dytë.
Një police 23-vjeçare u vra në sulm, ndërsa një makinë patrullimi dhe një automjet civil u dëmtuan, tha zyra e prokurorit.
Zyra e prokurorit rajonal të Lvivit tha se ka nisur një hetim për “një akt terrorist që shkaktoi pasoja të rënda”, por shtoi se rrethanat ishin të paqarta.
“Ky është padyshim një akt terrori”, tha kryebashkiaku i Lvivit, Andriy Sadovy, në një postim në Facebook.
Zyrtarët ende nuk kanë thënë se kush dyshohet se e ka kryer sulmin./mxh