Last Updated on 24/09/2025 by adminfjala
Aktorja e njohur italiane, Claudia Cardinale vdiq të martën, më 23 shtator. Ajo la pas dy fëmijët e saj, përfshirë Patrick-un, djalin e të madh, të cilin e fshehu për një kohë të gjatë.
Një nënë beqare e guximshme. Claudia Cardinale ndërroi jetë në moshën 87 vjeç në Nemours, pranë Parisit, siç njoftoi agjenti i saj, Laurent Savry, për AFP mbrëmjen e së martës.
Në këtë njoftim të trishtueshëm, agjenti i saj theksoi trashëgiminë kulturore të Claudia Cardinale, e cila ka më shumë se njëqind filma në karrierën e saj.
Karriera e Claudia Cardinales mori hov të vërtetë kur ajo ishte 20 vjeç. Në fakt, pas paraqitjes së saj në ekran në filmin e mentorit të saj Franco Cristaldi, “Pëllumbi”, në vitin 1958, aktorja pa karrierën e saj të ngrihej. Viti 1958 shënoi edhe lindjen e djalit të saj të madh, Patrick. Një fëmijë i lindur nga përdhunimi, të cilin ajo për shumë kohë e prezantoi si vëllanë e saj të vogël, sipas këshillës së mentorit të saj, në mënyrë që të mos dëmtonte reputacionin e aktores.
Në vitin 2017, ajo kujtoi për Le Monde: “Lindja ime u organizua në mënyrë diskrete në Londër. Producenti më dha idenë që të deklaroja se foshnja ishte vëllai im i vogël. Dhe unë u detyrova ta pranoja këtë gënjeshtër për të shmangur skandalin dhe për të mbrojtur karrierën time.”
Claudia Cardinale ëndërronte të bëhej mësuese, por për të rritur djalin e saj, ajo vazhdoi të punonte si aktore.
“Nuk do të kisha arritur këtu nëse lindja e djalit tim të vogël, pas një përdhunimi, nuk do të më kishte shtyrë të përfshihesha në kinema për të fituar jetesën dhe për të qenë e pavarur. E bëra për të! Për Patrick-un, këtë fëmijë që doja ta mbaja pavarësisht rrethanave dhe skandalit të madh që një lindje jashtë martesës mund të shkaktonte në atë kohë”, tha ajo gjithashtu për “Le Monde”.
Nëntë vjet pas lindjes së djalit të saj, aktorja zbuloi identitetin e vërtetë të të birit. Më vonë, ajo lindi një vajzë me emrin Claudia, fryt i dashurisë së saj me regjisorin italian Pasquale Squitieri. Aktorja mbajti një lidhje të fortë me fëmijët e saj për pjesën tjetër të jetës së saj, dhe ata ishin me të deri në frymën e fundit. /kb