Një trend i ri që po përhapet me shpejtësi në rrjetet sociale — “leg elevation challenge” — po rezulton se ka baza reale shkencore. Ideja është e thjeshtë: shtrihesh në shpinë dhe vendos këmbët në mur ose në një jastëk të lartë për rreth 10 minuta në ditë.
Sipas ekspertëve të shëndetit nga Times of India Health, kjo praktikë ndihmon qarkullimin e gjakut dhe limfës, ul tensionin në këmbë pas një dite të lodhshme dhe redukton fryrjen që vjen nga qëndrimi i gjatë në këmbë ose ulur.
Mjekët e rehabilitimit theksojnë se pozicioni me këmbët në lartësi ndihmon edhe sistemin nervor parasimpatik — duke ulur stresin dhe duke përmirësuar gjumin. Për personat që punojnë në zyra ose që vuajnë nga lodhja kronike e këmbëve, kjo mund të bëhet një rutinë e thjeshtë, pa kosto dhe me përfitime të ndjeshme.
Megjithatë, mjekët këshillojnë që njerëzit me probleme të qarkullimit të gjakut, tension të ulët apo me sëmundje vaskulare, të konsultohen me mjekun para se ta praktikojnë çdo ditë./KM