Kryebashkiaku i Tiranës Erion Veliaj, i cili ndodhet prej më shumë se dy javësh në qeli, ka ankimuar masën e sigurisë të vendosur ndaj tij nga Gjykata e Posaçme, “Arrest me burg”.
Mësohet se ankimimi është nisur me postë.
Dosja ndaj Veliajt po hetohet nga prokurorët Olsi Dado dhe Altin Dumani.
Akuzat
Veliaj akuzohet për veprat penale të “korrupsionit pasiv të funksionarëve të lartë shtetërorë ose të zgjedhurve vendorë”, në 9 raste si dhe “pastrimit të produkteve të veprës penale ose veprimtarisë kriminale”. Ndaj bashkëshortes së tij, SPAK thotë se rëndojnë akuzat korrupsion pasiv, pastrim parash e fshehje pasurie. Në hetim, SPAK njofton se ka vënë në hetim edhe deputeten Klotilda Bushka, që sipas prokurorisë së posaçme ka penguar zbulimin e së vërtetës.
SPAK-u thotë se kryetari i Bashkisë së Tiranës, ka miratuar shpërndarjen e fondeve publike si edhe lejet e ndërtimit tek disa subjekte tregtare, të lidhur ngushtë me të. / S,M
