Gjatë Konferencën së Sigurisë në Mynih, Sekretari Amerikan i Shtetit Marco Rubio tha se SHBA-të dhe Evropa i përkasin njëra-tjetrës.
Ndërsa Sekretari i Shtetit Marco Rubio vlerësoi rëndësinë historike të një aleance të fortë SHBA-Evropë, ai gjithashtu e bëri të qartë se administrata Trump beson se rruga përpara kërkon një ndryshim në mënyrën se si këto vende punojnë së bashku.
“Ne duam aleatë që mund të mbrojnë veten, në mënyrë që asnjë kundërshtar të mos ndihet i prirur të sfidojë forcën tonë kolektive”, tha Rubio.
Administrata Trump ka theksuar se Evropa duhet të marrë më shumë përgjegjësi për mbrojtjen e saj kundër kërcënimeve rajonale, në vend që të mbështetet kaq shumë në ndihmën amerikane.
“Ne duam aleatë që janë krenarë për kulturën e tyre, trashëgiminë e tyre… dhe së bashku me ne janë të gatshëm dhe të aftë ta mbrojnë atë”, tha Rubio të shtunën.
“Sepse ne në Amerikë nuk kemi interes të jemi kujdestarë të sjellshëm dhe të rregullt të rënies së menaxhuar të Perëndimit. Ne nuk kërkojmë të ndahemi, por të rigjallërojmë një miqësi të vjetër”, shtoi diplomati më i lartë amerikan.
“Ndërsa jemi të përgatitur, nëse është e nevojshme ta bëjmë këtë vetëm, kjo është preferenca jonë dhe shpresa jonë ta bëjmë këtë me ju, miqtë tanë këtu në Evropë”, tha Rubio.
“Ne i përkasim njëri-tjetrit”, shtoi Rubio për Shtetet e Bashkuara dhe Evropën, duke theksuar rëndësinë e partneritetit prej dekadash që është përballur me tendosje të mëdha gjatë mandatit të dytë të Presidentit Donald Trump.
Rubio pranoi se SHBA-të, ndonjëherë, mund të jenë disi “të drejtpërdrejta dhe urgjente në këshillin tonë”, por kërkoi t’i siguronte udhëheqësit evropianë se administrata Trump është e përkushtuar ndaj aleancës./kb