Shtëpia e Bardhë ka kërkuar rreth 1.5 trilionë dollarë për mbrojtjen në kuadër të buxhetit të vitit fiskal 2027, një rritje që pritet të çojë shpenzimet ushtarake në nivelet më të larta në historinë moderne të SHBA-së.Propozimi mbështet prioritetet strategjike të presidentit Donald Trump, ndërsa Shtetet e Bashkuara të Amerikës vijojnë operacionet ushtarake me Iran.
Sipas CNN, administrata Trump parashikon një rritje të shpenzimeve për mbrojtjen me mbi 40% krahasuar me një vit më parë.
Kjo rritje synon forcimin e Marinës Ushtarake amerikane dhe rezervave të municioneve, si dhe nisjen e ndërtimit të sistemit të mbrojtjes raketore “Golden Dome”, i projektuar për të mbrojtur vendin nga kërcënimet e mundshme.
Po ashtu, projektbuxheti parashikon rritje pagash për personelin ushtarak nga 5% deri në 7%, një masë që konsiderohet mbështetje e rëndësishme për trupat aktive.
Megjithatë, ky plan bie në kundërshtim me një draft të mëparshëm të buxhetit, i cili parashikonte ulje me 10% të shpenzimeve të mbrojtjes në favor të sektorëve socialë, si strehimi dhe shërbimet sociale. Kjo ndodh pavarësisht deklaratave të përsëritura të Trump se operacionet ushtarake me Iranin pritet të përfundojnë së shpejti.
Plani i ri i Shtëpisë së Bardhë pritet të shkaktojë debate të forta në Kongresi i Shteteve të Bashkuara, pasi rritja e ndjeshme e shpenzimeve ushtarake, e shoqëruar me shkurtimet në fusha të tjera, mund të thellojë përplasjet mbi prioritetet e qeverisë.