Last Updated on 20/10/2026 by EL
Albulena Haxhiu gjen kohë me folë qysh arroganca qeveritare në Shqipëri i nxit protestat, duke thënë se kërkesat e studentëve duhet të dëgjohen.
Ajo kërkon edhe ndaljen e dhunës nga të dyja palët.
Mirë.
Por nga cila përvojë e jona e shkëlqyer po jepen këto leksione?
Standardi për policinë dhe protestën duhet të jetë i njëjtë në Prishtinë dhe në Tiranë.
Nuk mund të kërkosh mirëkuptim për pushtetin tënd dhe ta shpallësh arrogancë çdo reagim të pushtetit që nuk të pëlqen.
Jo shumë kohë më parë, policia e Xhelal Sveçlës në Prishtinë iu hyri me kërbaç protestuesve dhe i dëndi me gaz lotsjellës, veç pse ata po kërkonin me kalu një ligj.
Nuk jam kundër revoltës organike në Shqipëri. Përkundrazi. Por një gjo osht me i kërku Shqipërisë me ecë përpara, e tjetër gjo osht me iu kapë për pantallonash, mos me e lanë me ecë.
Qysh qenka e mundur që një vend, ose, qysh i thonë Sali Berisha dhe analistët e tij, një narkoshtet, me u bo pjesë e Bashkimit Evropian?
Nëse Bashkimi Evropian ndonjëherë është akuzu për diçka, është akuzu që ka qenë tepër rigoroz me kriteret për pranimet e reja, e jo që e ka mbyllë njërin sy.
Qysh u bo, atëherë, që një narkoshtet po pret me u bo pjesë e BE-së deri në vitin 2030, kurse një shtet që po njeh suksese të jashtëzakonshme në çdo fushë, si Kosova, aplikacionin ende e ka të pahapur?
Qysh qenka e mundur, atëherë, që një shtet si Shqipëria ta ketë një prokurori që çdo javë e çdo muaj arreston figura të konsideruara të paprekshme deri para pak kohësh?