Altini, djali i Jakup Krasniqit, teksa hynte në Gjykatën Speciale në Hagë, u shpreh optimist se katër ish-krerët e UÇK-së do të lirohen dhe do të kthehen në Kosovë.
Ai theksoi se, pavarësisht vendimit, ai dhe populli shqiptar janë krenarë për ish-krerët e UÇK-së dhe luftën e tyre.
“Besoj se vendimi do të jetë lirues. Cilido që të jetë vendimi, unë jam krenar për secilin, për UÇK-në dhe për çdo gjë që kanë bërë për ne. Për ne dhe për këta është një mbështetje e madhe që populli është me UÇK-në. Diçka që dëshirojmë është që populli ta dijë vlerën e UÇK-së”, tha ai./k.m