Garda Revolucionare e Iranit ka njoftuar se ka arrestuar një të huaj të dyshuar për spiunazh për Izraelin. Lajmi u raportua nga mediat vendase, ndërsa nuk u dha detaje lidhur me kombësinë e të arrestuar.
Që nga 28 dhjetori, në Iran ka pasur protesta të vazhdueshme, ndërsa është raportuar për dhjetëra viktima dhe të arrestuar. Tubimet nisën fillimisht për shkak të problemeve ekonomike, veçanërisht inflacionit në rritje, por shpejt morën karakter politik. Protestuesit po kërkojnë fundin e sundimit klerikal.
Zyrtarët akuzojnë SHBA-në dhe Izraelin për nxitje trazirash. Qeveria iraniane nuk ka dhënë detaje të mëtejshme dhe hetimi është duke vazhduar. Ky arrestim për spiunazh tregon tensionin në situatën e brendshme politike të Iranit dhe pakënaqësinë në rritje të popullit iranian./K.M