Një studim i fundit ka zbuluar se niveli i presionit të lartë të gjakut tek fëmijët është pothuajse dyfishuar që nga viti 2000, duke arritur në 6.2% të fëmijëve nën 19 vjeç në vitin 2020, krahasuar me 3.2% në vitin 2000. Analiza, e publikuar në revistën Lancet Child and Adolescent Health, përfshiu të dhëna nga 443,000 fëmijë në 21 vende.
Hulumtuesit zbuluan se mbipesha dhe obeziteti tek fëmijët janë një nga shkaktarët kryesorë të këtij rritjeje. Sipas tyre, rreth 19% e fëmijëve me obezitet kanë presion të lartë të gjakut, krahasuar me vetëm 3% të atyre me peshë normale.
Të dhënat nga Anglia tregojnë se një në dhjetë fëmijë në vitin e parë të shkollës fillore është obez, ndërsa deri në vitin e fundit të shkollës fillore ky numër rritet në 22.2%.
Dr. Peige Song nga Universiteti Zhejiang e lidhi rritjen e presionit të lartë të gjakut me ushqimet jo të shëndetshme, mungesën e aktivitetit fizik dhe përhapjen e obezitetit tek fëmijët. Ajo shtoi se fëmijët dhe adoleshentët me obezitet janë tetë herë më të rrezikuar të zhvillojnë hipertension.