Last Updated on 06/06/2025 by adminfjala
Sylvinho, në konferencën e sotme për shtyp një ditë para ndeshjes me Serbinë, deklaroi se e ka në mendje formacionin që do të provojë në “Air Albania”.
Mes të tjerash, tekniku i kombëtares kuqezi u shpreh: “Serbët janë ekip i fortë. Kanë lojtarë të mirë si Mitroviç, Joviç, por edhe ne kemi lojtarë shumë të mirë. Nesër shpresojmë të kemi një ndeshje të bukur. Të gjithë trajnerit e përgatisin ndeshjen për ta fituar”.
“Shpresoj të dhurojmë një ndeshje të bukur. 90 minuta janë të gjata dhe mund të ndodhë çdo gjë. Të shohim si do të shkojë rrugëtimi drejt Botërorit, por ne futemi në fushë për tri pikët”.
“Shumë trajnerë ankohen për situatën e lojtarëve pas sezonit. Ka qenë një kalendar i ngjeshur, por kemi bërë 5-6 ditë të mira trajnim. E kam në mendje një formacion që mund ta hedh nesër në fushë, por që nesër do të vendosim”. m.p.