Kim Kardashian ka bërë daljen e saj të parë në arenën e Formula 1 gjatë Çmimit të Madh të Monakos, duke tërhequr menjëherë vëmendjen e mediave dhe fansave. Ajo ishte e pranishme për të mbështetur pilotin e Ferrari-t njëkohësisht dhe partneri i saj, Lewis Hamilton, gjatë një fundjave të rëndësishme garash në sezon.
Ylli i njohur i televizionit dhe sipërmarrësja amerikane u shoqërua nga motra e saj Khloé Kardashian dhe miku i familjes Simon Huck. Kjo ishte hera e parë që ajo fotografohej brenda paddock-ut të Formula 1, në një nga eventet më prestigjioze të këtij sporti.
Kim Kardashian u shfaq me një kombinim elegant dhe të guximshëm: një body prej dantelle të zezë të kombinuar me xhinse të gjera në ngjyrë të hapur. Pamja e saj u plotësua me syze të mëdha të zeza dhe flokë të drejtë me ndarje në mes.
Ky stil u komentua gjerësisht si një nga momentet më të spikatura të modës gjatë fundjavës së Çmimit të Madh të Monakos, duke balancuar elegancën me stilin casual.
Gjatë fundjavës, Kim u pa edhe në sesionet e kualifikimeve, madje duke mbajtur kufje me logon e Ferrarit. Gara në Monako përkoi me një paraqitje të fortë të Hamilton, i cili përfundoi i dyti, duke barazuar rezultatin e tij më të mirë që prej kalimit te Ferrari në sezonin 2025.
Pas garës, Hamilton u pyet për mbështetjen e një “figure të njohur” në paddock, duke u shprehur se ishte mirënjohës për praninë dhe mbështetjen e njerëzve të afërt, pa përmendur emra specifikë.
Kim Kardashian dhe Hamilton janë parë së bashku në disa evente gjatë muajve të fundit, përfshirë edhe Super Bowl, gjë që ka shtuar spekulimet për një lidhje të mundshme mes tyre, megjithëse asnjëri prej tyre nuk e ka konfirmuar publikisht./MXH