Last Updated on 02/03/2026 by Kesjana
Michael B. Jordan, Jessie Buckley dhe së ndjeri Catherine O’Hara ishin ndër fituesit kryesorë në edicionin e këtij viti të Actor Awards.
Jordan fitoi aktorin më të mirë kryesor mashkull për dy rolet e tij në trillerin vampir Sinners, duke mundur favoritin Timothée Chalamet. Ai i bëri homazh regjisorit Ryan Coogler dhe mori gjithashtu çmimin NAACP për Artistin dhe Aktorin e Vitit. Ansambli i Sinners, duke përfshirë Delroy Lindo dhe Wunmi Mosaku, mori çmimin për ansamblin më të mirë të ekranit të madh.
Jessie Buckley fitoi aktoren më të mirë kryesore femër për performancën në dramën historike Hamnet, duke mundur Emma Stone dhe Rose Byrne.
Sean Penn u shpall aktor mbështetës mashkull për rolin e tij në One Battle After Another, ndërsa Amy Madigan mori aktorën mbështetëse femër, duke surprizuar publikun.
Seriali i Apple, The Studio, dominoi kategoritë e komedisë, duke fituar tre çmime, përfshirë aktorin më të mirë mashkull Seth Rogen dhe një çmim postum për Catherine O’Hara, të marrë nga Rogen në emër të saj.
Drama mjekësore The Pitt mori çmimin për ansamblin dramatik më të mirë, ndërsa Noah Wyle u shpall aktori më i mirë mashkull në një serial dramatik. Michelle Williams fitoi aktoren më të mirë femër në një mini-serial, ndërsa Owen Cooper u bë fituesi më i ri në këtë kategori, në moshën 16-vjeçare.
Harrison Ford u nderua me Çmimin për Jetë dhe Kontribut në Artin e Aktrimit, të dorëzuar nga Woody Harrelson. Çmimet për ansamblin e stunts fituan Mission: Impossible The Final Reckoning dhe The Last of Us.
Ceremonia u transmetua drejtpërdrejt në Netflix dhe u moderua nga Kristen Bell. Fituesit e Oscars 2026, ku Sinners udhëheq nominimet, do të shpallen më 15 mars./kb