Moska mund t’i ofrojë ndihmë Serbisë për të ndërtuar një central bërthamor me teknologji ruse, në kuadër të një bashkëpunimi ndërkombëtar. Kjo është një nismë e përcjellë nga Rosatom, kompania shtetërore ruse e energjisë bërthamore.
Drejtuesi i Rosatom, Aleksei Likhachov, deklaroi se projekti mund të përmbajë 99% deri 100% teknologji ruse, dhe se mund të zhvillohet përmes një konsorciumi ndërkombëtar furnizuesish.
Deri më sot, Serbia nuk ka ndonjë central bërthamor, ndërsa ekziston një ndalim ligjor për ndërtimin e këtyre komponentëve që daton nga viti 1989, pasi katastrofa e Çernobilit solli masa parandaluese.
Rreth 70% e energjisë elektrike të Serbisë prodhohet nga termocentralet që digjin qymyr, dhe vendi është ende forte i varur nga importet e gazit natyror, kryesisht nga Rusia.
Bisedimet mes Rusisë dhe Serbisë përfshijnë propozime për të përdorur teknologji Rosatom në një partneritet ndërkombëtar, ndërsa diskutimet mund të çojnë në rishikimin e ndalimit ligjor të viteve ’80 për energjinë bërthamore në Serbi./mxh