Një gjykatë në Varshavë vendosi që arkeologu rus, Alexander Butyagin, të ekstradohet në Ukrainë, ku akuzohet për përfshirje në gërmime të paautorizuara dhe plaçkitje të artefakteve historike në Krime, sipas avokatit të tij.
Vendimi i Polonisë për arrestimin e arkeologut në dhjetor, sipas kërkesës së Ukrainës, shkaktoi reagim të ashpër nga Rusia, me Kremlinin që akuzoi Varshavën për “tirani ligjore”. Në janar, Rusia thirri ambasadorin polak për të kërkuar lirimin e tij.
Prokuroria e Republikës Autonome të Krimesë ka deklaruar se ekipi i Butyagin kreu gërmime të paautorizuara në qytetin antik Myrmekion në rajonin e Kerch, duke shkaktuar dëme mbi 200 milion hryvnia (rreth 4.55 milion dollarë).
Ukraina thotë gjithashtu se ekipi i Butyagin ka marrë 30 monedha ari, prej të cilave 26 mbajnë emrin e Alexander i Madh dhe katër janë nxjerrë gjatë sundimit të vëllait të tij, Philip III Arrhidaeus.
Moskë thotë se akuzat ndaj Butyagin janë “absurde”, pasi sipas saj Krimea është territor rus, dhe ka cilësuar vendimin e Varshavës për arrestimin e arkeologut si të motivuar politikisht./mxh