Pasagjerët e anijes luksoze MV Hondius, e cila u prek nga hantavirusi, raportojnë se situata mbi bord ishte e qetë dhe pa panik. Në një video të postuar në rrjetet sociale më 9 maj, pasagjeri Kasem Ibn Hattuta tha:
“Situata në anije është shumë e qetë. Kemi një program ditor si çdo udhëtim tjetër, por ruajmë distancimin social, pastrojmë duart dhe mbajmë maska në ambientet e brendshme të anijes.”
Reuters konfirmoi identitetin e anijes përmes pamjeve të bordit dhe strukturave që përputhen me imazhet arkivore të MV Hondius. Data e saktë e filmimit nuk është verifikuar, por Kasem ka dokumentuar udhëtimin e tij për disa ditë.
Më 10 maj, Spanja nisi evakuimin e pasagjerëve nga anija, e ankoruar pranë Tenerife. Zyrtarët shëndetësorë hipën në bord për të kryer kontrolle përfundimtare dhe për të nisur zbritjen e pasagjerëve, sipas Ministrisë së Shëndetësisë së Spanjës.
Anija kishte nisur nga Cape Verde më 6 maj, pas kërkesës së Organizatës Botërore të Shëndetësisë dhe Bashkimit Evropian që Spanja të menaxhonte evakuimin pas shpërthimit të hantavirusit.
Agjencia publike evropiane e shëndetit njoftoi se të gjithë pasagjerët konsiderohen kontakte me rrezik të lartë, si masë paraprake, por rreziku për popullatën e përgjithshme mbetet i ulët./mxh