Një operacion antidrogë masiv është zhvilluar në zonën e Lombardisë dhe Piemontes ku është goditur një rrjet trafikantësh.
Autoritetet kanë arrestuar 17 persona dhe kanë sekuestruar sasi të mëdha të lëndëve narkotike dhe para cash.
Operacioni përfshiu provincat e Brescias, Bergamos, Torinos dhe Verbanias , duke konfirmuar edhe një herë se si trafiku i drogës kalon lehtësisht kufijtë provincialë dhe rajonalë, duke ndërtuar rrjete të afta për të furnizuar zona të ndryshme vazhdimisht me drogë dhe me shpejtësi.
Personat e arrestuar përfshijnë 10 shtetas italianë, 6 marokenë dhe një shqiptar , të gjithë me precedentë penalë, të akuzuar, në shkallë të ndryshme, për trafikim dhe posedim të kokainës dhe kanabisit me qëllim trafikimin.
Gjatë operacionit, u kryen kontrolle banesash. Sekuestrimi zbulon dimensionin financiar të hetimit. Karabinierët gjetën 7 kilogramë hashash , 700 gramë kokainë dhe 84,500 euro në para të gatshme , që besohet të jenë të ardhurat nga trafikimi i drogës.
Sipas vlerësimeve të hetuesve, xhiroja mujore e grupit tejkalonte 400,000 euro, me një fluks të vazhdueshëm dhe të vështirë për t’u gjurmuar parash.
Hetimi, i quajtur “Grisù “, filloi në prill 2024 dhe u përqendrua konkretisht në zonën industriale Pian Camuno në provincën e Brescias, e identifikuar si një nga qendrat kryesore për trafikimin e drogës./mxh