Pas përfundimit të edicionit të katërt të Big Brother VIP Kosova, një nga temat më të diskutueshme ka mbetur raporti mes Klodit dhe aktores italiane Alice. Ndërsa fansat prisnin të kuptonin nëse romanca e tyre do të vazhdonte edhe jashtë shtëpisë, disa pamje të papritura kanë trazuar rrjetet sociale.
Në video dhe fotografi që kanë qarkulluar së fundmi në internet, Alice shihet në shoqërinë e një mashkulli tjetër, i cili i jep një puthje në faqe. Këto pamje u shpërndanë me shpejtësi në platforma si TikTok, duke nxitur shumë aludime dhe diskutime mes ndjekësve. Disa prej tyre spekuluan se kjo mund të ishte një lëvizje për të provokuar Klodin, ndërsa të tjerë vunë në dyshim sinqeritetin e historisë së tyre.
Përballë zhurmës së krijuar në rrjet, Alice vendosi të reagojë vetë në komente për të sqaruar situatën. Aktorja theksoi se personi që shfaqet në video nuk është ish-partneri i saj, por një mik shumë i afërt.
Sipas saj, pamjet janë të vjetra dhe datojnë prej disa vitesh. “Nuk është ish-i im, është shoku im i ngushtë! Ju lutem,” shkroi ajo në një koment, duke shtuar se marrëdhënia me ish-partnerin ka përfunduar prej kohësh dhe se nuk ka më kontakt me të.
Megjithatë, diskutimet në rrjet nuk janë ndalur. Alice po përballet ende me shumë pyetje nga ndjekësit, sidomos lidhur me raportin mes Klodit dhe ish-banores tjetër finaliste të BBVK4, Elijonës.