Last Updated on 26/04/2026 by EL
Ky është një nga viktimat e atentatit pak minuta më parë në zonën e Balldrenit, në Lezhë, ku sipas informacioneve paraprake dy persona kanë humbur jetën si pasojë e një atentati.
Automjeti në të cilin ndodheshin, një mjet tip “Audi Q7”, është gjetur i bërë shoshë nga plumbat. Pamjet nga vendi i ngjarjes tregojnë dëmtime të shumta në anën e majtë të makinës, kryesisht në zonën e shoferit dhe pasagjerit.
Sipas të dhënave paraprake, autorët dyshohet se kanë vepruar në mënyrë të mirëorganizuar, duke u zënë pritë viktimave dhe duke hapur zjarr në drejtim të automjetit.
Forca të shumta policie janë nisur drejt vendngjarjes dhe kanë rrethuar zonën, ndërsa pritet të zbardhen detaje të tjera mbi rrethanat e kësaj ngjarjeje të rëndë./ET