Sekretari i Përgjithshëm i NATO-s, Mark Rutte, do të vizitojë Washington-in javën e ardhshme për t’u takuar me presidentin amerikan Donald Trump. Takimi vjen mes raportimeve se Trump ka kritikuar anëtarët e NATO-s për kufizimin e aksesit ushtarak amerikan në bazat në tokën e tyre dhe për refuzimin për të udhëhequr përpjekjet për të hapur Ngushticën e Hormuzit.
Sipas NATO-s, Rutte do të takohet me Trump më 8 prill, me takime shtesë të planifikuara me Sekretarin e Shtetit, Marco Rubio dhe Sekretarin e Mbrojtjes, Pete Hegseth.
Rutte ka planifikuar gjithashtu të mbajë një fjalim në Fondacionin dhe Institutin Presidencial ‘Ronald Reagan’ më 9 prill.
Rutte është përshkruar vazhdimisht si një bashkëpunëtor i ngushtë i presidentit Trump, i njohur për aftësinë e tij për ta mbajtur Presidentin e SHBA-së të angazhuar në mes të një sërë krizash./mxh