Last Updated on 03/12/2025 by Monika
Një ngjarje tragjike ka ndodhur në Pianello Vallesina, një fshat në Ancona të Italisë, ku një grua 49-vjeçare shqiptare është gjetur e pajetë në shtëpinë e saj. Sipas hetimeve paraprake të karabinierëve, dyshohet se gruaja është rrahur për vdekje nga bashkëshorti i saj, një shtetas shqiptaro-maqedonas.
Bashkëshorti nuk ishte paraqitur në punë këtë të mërkurë dhe, sipas informacionit të disponueshëm, ai ishte ribashkuar me viktimën pas një ndarjeje. Shtetasi kishte një histori të dhunës në familje, pasi ishte arrestuar më 12 prill për akuzat e keqtrajtimit dhe ishte mbajtur në burg për disa kohë.
Gruaja, e cila u gjet pa jetë në shtëpi, ishte shtrirë në shtrat me shenja të rrahjeve të rënda dhe lëndime të dukshme në kokë. Alarmi u ngrit nga punëdhënësi i saj, pasi viktima nuk u paraqit në punë këtë mëngjes. Kur karabinierët arritën në vendngjarje, ata gjetën derën e përparme të hapur dhe çelësat ende të ngjitur në derë, gjë që ka ngritur më tej dyshime mbi natyrën e krimit.
Në vendngjarje, ishin të pranishëm magjistrati i zyrës së prokurorit të Ankonës, karabinierët e Njësisë Hetuese dhe Seksioni i Hetimeve Shkencore të Ankonës, si dhe Kompania Jesi, të cilët po zhvillojnë hetimet për të sqaruar plotësisht shkaqet dhe rrethanat e kësaj ngjarje tragjike. Hetimet janë ende në zhvillim, dhe autoritetet po punojnë për të zbardhur të vërtetën dhe për të siguruar drejtësi për viktimën./mxh