Presidenti i SHBA-ve Donald Trump ka kritikuar ashpër Papa Leonin XIV në rrjetet sociale, pasi udhëheqësi i parë amerikan i Kishës Katolike Romake dënoi kërcënimin e presidentit amerikan kundër Iranit.
Në një postim të gjatë në Truth Social, presidenti amerikan shkruan se Papa është i tmerrshëm për Politikën e Jashtme.
“Nuk dua një Papë që mendon se është në rregull që Irani të ketë një armë bërthamore”, thotë Trump.
Duke renditur një numër ankesash të tjera në lidhje me Papën, Trump shkruan se Papa Leoni është “i dobët në krim, i dobët në armët bërthamore”.
Javën e kaluar, Papa Leo kritikoi kërcënimin e Trump se “një qytetërim i tërë do të vdesë sonte” nëse Irani nuk bie dakord për një marrëveshje për t’i dhënë fund luftës.
Duke e përshkruar atë si të papranueshme, ai shtoi: “Sigurisht që ka çështje të së drejtës ndërkombëtare, por shumë më tepër se kaq, është një çështje morale”./kb