Presidenti amerikan Donald Trump deklaroi se forma e regjimit politik në Iran nuk është çështja kryesore për SHBA, për sa kohë që vendi ka një udhëheqje që është miqësore ndaj interesave amerikane.
Deklarata u bë në një moment shumë të tensionuar në Lindjen e Mesme, pas përshkallëzimit të konfliktit midis SHBA-së, Izraelit dhe Iranit.
Trump tha se për SHBA-në nuk është domosdoshmëri që Irani të bëhet një demokraci, nëse udhëheqja e ardhshme është e gatshme të bashkëpunojë me Perëndimin dhe të ndalojë konfliktet.
Deklaratat e Trump lidhen me situatën që u krijua pas vdekjes së liderit suprem të Iranit, Ali Khamenei, i cili u vra në një sulm të përbashkët të SHBA-së dhe Izraelit gjatë përshkallëzimit të konfliktit në rajon.
Vdekja e tij ka shkaktuar krizë të madhe politike dhe luftë për pushtet në Iran, pasi vendi duhet të zgjedhë një lider të ri suprem.
Trump ka thënë gjithashtu se SHBA duhet të ketë rol në procesin e zgjedhjes së udhëheqjes së re në Iran për të shmangur që një lider i ri të ndjekë të njëjtën politikë armiqësore ndaj Perëndimit./mxh