Dushi me ujë të ftohtë në mëngjes po fiton gjithnjë e më shumë popullaritet si një mënyrë natyrale për të rritur energjinë dhe për të forcuar imunitetin. Sipas ekspertëve të “Cleveland Clinic”, ekspozimi i trupit ndaj ujit të ftohtë për disa sekonda aktivizon sistemin nervor simpatik, i cili rrit qarkullimin e gjakut dhe çliron hormone që ndihmojnë trupin të zgjohet më shpejt.
Përveç kësaj, dushi i ftohtë stimulon metabolizmin, ndihmon në përmirësimin e humorit dhe redukton inflamacionin në muskuj. Shumë sportistë profesionistë e përdorin këtë metodë pas stërvitjeve për rikuperim më të shpejtë.
Mjekët këshillojnë të fillohet me ujë të vakët dhe gradualisht të ulet temperatura, për të shmangur shokun termik. Edhe pse jo për të gjithë, kjo praktikë është një mënyrë e thjeshtë dhe falas për të nisur ditën me energji pozitive./K.M