Ukraina ka rikthyer në shtëpi 205 ushtarakë në fazën e parë të një shkëmbimi më të madh të të burgosurve të luftës me Rusinë, ka njoftuar presidenti Volodymyr Zelenskyy të premten.
Sipas marrëveshjes mes Kievit dhe Moskës, palët kanë rënë dakord të shkëmbejnë nga 1000 të burgosur lufte secila, në kuadër të një armëpushimi tre-ditor, i cili është ndërmjetësuar nga presidenti amerikan Donald Trump.
Ushtarët ukrainas të liruar zbritën nga autobusët duke përshëndetur njëri-tjetrin dhe duke telefonuar familjarët e tyre, në një skenë emocionale pas muajsh apo vitesh në robëri. Disa prej tyre u panë të mbështjellë me flamurin kombëtar blu dhe verdhë.
Shërbimi ukrainas i inteligjencës ushtarake HUR bëri të ditur se shumë nga të kthyerit kishin qenë të kapur gjatë mbrojtjes së gjatë të qytetit port të Mariupolit, i cili ra në duart e forcave ruse në vitin 2022.
Sipas autoriteteve, mes të liruarve ka edhe oficerë, përveç ushtarëve dhe nënoficerëve, ndërsa procesi i shkëmbimit pritet të vazhdojë edhe në fazat e ardhshme./mxh