Vetmia dhe izolimi social mund të lidhen me më pak vite jetë pa sëmundje, sipas një studimi të publikuar në revistën Nature Communications.
Studiuesit analizuan të dhënat e më shumë se 270 mijë personave të moshës 40 deri në 69 vjeç dhe zbuluan se vetmia dhe izolimi social lidhen mesatarisht me rreth 6 vite më pak jetë pa sëmundje.
Ndikimi ishte më i madh në shëndetin mendor, veçanërisht te depresioni dhe ankthi, sesa në sëmundjet fizike.
Studimi gjeti gjithashtu ndryshime mes grave dhe burrave. Te gratë, vetmia dhe izolimi u lidhën me 2.4 vite më pak jetë pa sëmundje fizike dhe 3.7 vite më pak pa probleme të shëndetit mendor. Te burrat, shifrat ishin përkatësisht 1.7 dhe 5.8 vite.
Studiuesit theksojnë se një mënyrë jetese e shëndetshme mund të zvogëlojë disa nga pasojat e izolimit social, por nuk duket se e kompenson plotësisht ndikimin e vetmisë./ad