Një ekspeditë e fundit kërkimore në Paqësorin Jugor ka sjellë një zbulim mbresëlënës për botën detare. Shkencëtarët kanë identifikuar një specie të re, të ngjashme me kandilin e detit, që jeton në një nga thellësitë më ekstreme të planetit – rreth 6.000 metra poshtë sipërfaqes.
Organizmi i ri lëshon dritë natyrale me nuancë blu nëpërmjet biolumineshencës dhe ka një mënyrë të çuditshme lëvizjeje, e ngadaltë dhe pothuajse të padukshme. Temperatura e ulët, errësira totale dhe presioni jashtëzakonisht i lartë e bëjnë këtë mjedis pothuajse të pamundur për shumicën e formave të jetës, por kjo specie duket se është përshtatur në mënyrë perfekte.
Shkencëtarët e konsiderojnë këtë një nga zbulimet më të rëndësishme të viteve të fundit, sepse tregon se oqeanet kanë ende mistere të mëdha dhe se shumë krijesa mund të jenë ende të paidentifikuara. Tashmë po kryhen analiza të ADN-së për të kuptuar nga vjen kjo specie dhe çfarë roli luan në ekosistem./KM