Një vezë e rrallë Fabergé, e njohur si “Veza e Dimrit”, e porositur nga Perandori i fundit i Rusisë, Nikolla II, për nënën e tij, Perandoreshën Maria Feodorovna, pritet të dalë në ankand për më shumë se 20 milionë paund (rreth 22.8 milionë euro). Kjo vezë e jashtëzakonshme, e punuar në vitin 1913, është e zbukuruar me 4,500 diamante të prera në ngjyrë trëndafili dhe montime delikate platini në formë flokësh dëbore.
“Veza e Dimrit” ka vendosur më parë rekorde botërore dhe ankandi i saj i ardhshëm shënon herën e parë pas më shumë se 20 vjetësh që një Vezë Pashkësh Perandorake është e disponueshme në tregun publik. Sipas Oganesian, kjo vezë është e kompletuar me surprizën origjinale brenda, gjë që e bën një nga shembujt më të rrallë dhe të vlefshëm të krijimeve të Fabergé.
Ankandi do të mbahet më 2 dhjetor në Londër nga shtëpia e ankandeve Christie’s, duke rikthyer këtë thesar historik në qendër të vëmendjes ndërkombëtare. Vetëm gjashtë vezë të tjera perandorake mbeten në koleksione private, duke e bërë “Vezën e Dimrit” një nga perlave më të rralla të artit dhe historisë ruse./KM