Last Updated on 03/08/2026 by EL
Aftësia për të kuptuar dhe vlerësuar muzikën mund të jetë e lindur që në ditët e para të jetës. Këtë përfundim ka arritur studiuesi Henkjan Honing nga Universiteti i Amsterdamit, sipas të cilit origjina e muzikës nuk lidhet vetëm me traditat kulturore, por edhe me rrënjët e saj biologjike. Sipas tij, foshnjat janë në gjendje të dallojnë modele ritmike, të parapëlqejnë melodi të caktuara dhe të parashikojnë ndryshimet në ritëm dhe lartësinë e tingujve shumë përpara se të mësojnë të flasin. Kjo tregon se truri i njeriut është i predispozuar për të përpunuar strukturat muzikore.
Studiuesit theksojnë se njerëzit nuk janë të vetmit “kafshë muzikore”. Shumë lloje zogjsh dhe balenat me gunga krijojnë dhe njohin melodi, ndërsa një shimpanze e quajtur Ayumu ka tërhequr vëmendjen për aftësinë e saj për të improvizuar ritme me goditje. Sipas Honing, muzikaliteti mund të jetë zhvilluar gjatë evolucionit si një mekanizëm që forconte lidhjet shoqërore, duke bashkuar proceset e trurit që lidhen me perceptimin, lëvizjen dhe emocionet.