Viti i ri filloi me janarin 2026 që ishte ndër pesë më të ngrohtët e regjistruar ndonjëherë, raportoi sot observatori europian Copernicus, pavarësisht një vale të ftohti në hemisferën veriore që shkaktoi një reagim nga liderët më të mëdhenj politikë.
“Janari 2026 ishte janari i pestë më i ngrohtë i regjistruar globalisht, me temperaturën mesatare të ajrit në sipërfaqe që arriti në 12.95° C, pra 0.51° C më të lartë se mesatarja e janarit për periudhën 1991-2020”,-tha Shërbimi i Ndryshimit Klimatik të Kopernikut (C3S) në buletinin e tij mujor.
Janari 2026 ishte vetëm 0.28° C më i ftohtë se Janari 2025 më i ngrohti i regjistruar ndonjëherë dhe 1.47° C më i ngrohtë se mesatarja për periudhën 1850-1900, siç përcaktohet nga epoka para-industriale.
“Janari 2026 ishte një kujtesë e ashpër se sistemi klimatik ndonjëherë mund të shkaktojë mot shumë të ftohtë në një zonë dhe nxehtësi ekstreme në një tjetër në të njëjtën kohë”,-theksoi Samantha Burgess, zëvendësdrejtoreshë e Shërbimit të Ndryshimeve Klimatike të Copernicus./Kb