Last Updated on 28/09/2026 by Monika
Projekti për stadiumin e ri të Romës në zonën e Pietralatës ka marrë miratimin për të vijuar.
Së fundmi është miratuar projekti, ndërsa autorizimi është firmosur nga komisioneri i posaçëm i qeverisë, Massimo Sessa dhe nga kryebashkiaku Roberto Gualtieri.
Pas këtij vendimi, Roma mund të nisë hartimin e projektit përfundimtar, duke përfshirë kërkesat e autoriteteve.
Bashkia e Romës do të hapë procedurën për dhënien me koncesion të zonës ku parashikohet ndërtimi.
Klubi i Romës, si propozues i projektit, do të ketë të drejtën të barazojë ofertën më të lartë në procedurën e koncesionit.
Roberto Gualtieri ka deklaruar se synimi është nisja e punimeve në mars të vitit 2027.
Punimet parashikohet të zgjasin rreth dy vjet e gjysmë, me përfundimin e stadiumit të planifikuar për fundin e vitit 2029.
Projekti lidhet edhe me Euro 2032, ndërsa lista përfundimtare e stadiumeve italiane që do t’i propozohen UEFA-s pritet të dorëzohet brenda pak ditësh./mxh