Last Updated on 07/05/2026 by EL
Ekspertët japin alarmin për një variant të Hantavirusit që transmetohet nga njeriu tek njeriu.
CNN raporton se në vitin 2018, autoritetet shëndetësore në Argjentinën jugore po përpiqeshin të kuptonin se çfarë kishte shkaktuar sëmundjen e rëndë të gati 30 njerëzve në fshatin e vogël të Epuyen.
Deri në fund të shpërthimit, 11 prej tyre kishin vdekur.
Sëmundja e tyre, e cila bëri që shumë të shtroheshin në kujdes intensiv për pneumoni dhe probleme të rënda me frymëmarrjen, u shkaktua nga virusi i Andeve, një lloj Hantavirusi që bartet nga brejtësit dhe që mund të transmetohet nga një person te tjetri.
Është i njëjti virus që besohet se ka sëmurë tetë pasagjerë që udhëtonin në anijen turistike MV Hondius, e cila po lundron drejt një porti në Ishujt Kanarie.
Megjithatë, Organizata Botërore e Shëndetësisë ka theksuar se shpërthimi nuk paraqet rrezik më të gjerë për shëndetin publik. Por autoritetet po nxitojnë të përfundojnë gjurmimin e kontakteve për të frenuar përhapjen e virusit./ET