Kur shumica e njerëzve mendojnë për të ngrënit e shëndetshëm, ata përqendrohen kryesisht në atë që hanë. Ata e dinë se duhet të hanë më shumë fruta dhe perime, më pak ushqim të dëmshëm ose më pak kalori, dhe i përmbahen kësaj. Por të ngrënit e shëndetshëm është shumë më kompleks sesa thjesht zgjedhja e ushqimeve. Sjelljet dhe qëndrimet tona ndaj ushqimit luajnë një rol po aq të rëndësishëm.
Në vitet e fundit, hulumtimet kanë treguar se zhvendosja e fokusit tonë nga vetë ushqimi në përvojën e të ngrënit mund të ketë përfitime të konsiderueshme për shëndetin tonë fizik dhe mendor.
Çfarë mendojmë se do të thotë një dietë e shëndetshme?
Një studim në Nutrients raporton se lidhja e të ngrënit të shëndetshëm ekskluzivisht me dietën është forcuar që nga vitet 1980, kur shqetësimet për obezitetin u rritën. Megjithatë, shkaqet e tij janë shumë më komplekse sesa ajo që një person ha. Ndërkohë, presioni i vazhdueshëm për ushqim më të mirë nuk i ka ulur ndjeshëm shkallët e obezitetit.
Përkundrazi, shkencëtarët kanë treguar se ky obsesion është lidhur me një rritje të sjelljeve të çrregullta të të ngrënit dhe çrregullimeve të të ngrënit. Prandaj është e qartë se duhet të ndryshojmë mënyrën se si e perceptojmë të ngrënit e shëndetshëm./kb