Nivelet e detit po rriten globalisht, për shkak të ndryshimeve klimatike dhe shkrirjes së akullit të polarisë. Kjo pritet të rrisë rrezikun e përmbytjeve, erozionit bregdetar dhe ndikimeve serioze për komunitetet pranë detit në mbarë botën.
Megjithatë, një studim i ri sugjeron diçka të pazakontë për Groenlandën.
Edhe pse akulli i Groenlandës po shkrin për shkak të ngrohjes globale, niveli lokal i detit përreth ishullit pritet të bjerë, jo të rritet sipas parashikimeve për këtë zonë të veçantë.
Ky efekt është për shkak të një përzierje fenomenesh. Rritja e tokës nën akull, që ndodh kur shtresa e akullit humbet peshën e saj dhe toka “ngrihet”.
Ulja e forcës gravitacionale që akulli i madh i Groenlandës ushtron mbi ujin përreth, kur akulli shtohet, ai tërheq ujin; kur shkrin dhe humbet masë, ndikimi gravitetik dobësohet, duke bërë që niveli i detit të ulet në rajon.
Në një skenar me emetime të ulëta, niveli mund të bjerë rreth 0.9 metra deri në fund të shekullit, dhe në një skenar me emetime të larta deri në 2.5 metra, një rezultat kundërshtues me trendet botërore të rritjes së nivelit të detit.
Studimi thekson se kur masa e akullit bie, toka ngritet dhe forca e gravitetit që tërheq ujin drejt ishullit zvogëlohet. Këto dy fenomene së bashku bëjnë që niveli lokal i detit rreth Groenlandës të ulet edhe pse niveli global po rritet.
Kjo ulje e nivelit të detit mund të lërë komunitetet bregdetare, infrastrukturat dhe linjat e transportit ujore të mos jenë më të përshtatshme për kushtet e reja./kb