Last Updated on 27/10/2026 by Monika
Lazio ka regjistruar një fitore bindëse me rezultatin 6-2 në transfertë përballë Sassuolo, duke thelluar krizën e vendasve që mbeten pa fitore në pesë ndeshjet e fundit në Serie A.
Ndeshja nisi me një ritëm të lartë, ku brenda 16 minutave të para Kenneth Taylor, Gustav Isaksen dhe Romano Floriani shënuan për miqtë, ndërsa Kristian Thorstvedt barazoi përkohësisht për vendasit.
Pas daljes me karton të kuq të Thorstvedt, Sassuolo arriti të ngushtonte shifrat me Sebastiano Esposito, por Mattia Zaccagni realizoi golin e katërt për skuadrën e Gennaro Gattuso në shtesën e pjesës së parë, duke dërguar shifrat në 4-1.
Në pjesën e dytë, portieri vendas Stefano Turati mbajti gjallë shpresat duke pritur dy penallti të ekzekutuara nga Zaccagni dhe Davide Frattesi. Pavarësisht këtyre gabimeve nga pika e bardhë, miqtë nuk e ndalën ofensivën e tyre drejt portës kundërshtare në stadiumin “Mapei”.
Sulmuesi Tijjani Noslin vulosi rezultatin 6-2 duke realizuar një dygolësh spektakolar. Me këtë sukses, Lazio shkëputet me tre pikë në krye të tabelës së klasifikimit, duke i bërë presion Interit përpara përballjes me Venezian.
Nga ana tjetër, kjo humbje e mban skuadrën e Alberto Aquilani në vendin e 14-të, me rrezikun e përfshirjes në zonën e ftohtë të mbijetesës./mxh